東引弟兄
張貼者
四句（聯）是一種傳統的鄉土文學，尤其用在新年或喜事的時候。它是一種七言絕句的形式，以前的人以會說四句仔為榮，現在已逐漸失傳。
新年新春萬事通
家家戶戶滿廳堂
迎新棄舊人豪爽
百子千孫人興旺
恭喜恭喜大家恭喜
恭喜囝仔不流鼻
老人健康吃百二
夫人有喜生雙生
2.『七字調』
受古詩七言絕句及傳統「四句聯仔」或「歌仔冊」等影響，台語兒童歌謠常見整首四句，每句七字，屬於純七拍句型。
〈歡喜過新年〉/傳統念謠
冬至算來是冬天
家家戶戶人搓圓
大人認真去趁錢
囡仔歡喜過新年
〈貧惰仙〉 /傳統念謠
一天過了又一天
身軀無洗全全鉎
走去溪仔邊洗三遍
毒死烏仔魚數萬千
3.『牛犁歌』
頭戴竹笠喂，遮日頭啊喂，
手牽著犁兄喂，行到水田頭，奈噯唷犁兄喂，
日曝汗愈流，大家合力啊，來打拼噯唷喂，
奈噯唷里都犁兄唉，日曝汗愈流，大家來打拼，噯唷喂
腳踏水車喂，在水門啊喂，
手牽著犁妹喂，透早天未光，奈噯唷犁妹喂，
水冰透心腸，大家合力啊，來打拼噯唷喂，
奈噯唷里都犁妹唉，水冰透心腸，大家來打拼，噯唷喂
手扶牛耙喂，來鋤田啊喂，
我勸著犁兄喂，毋通叫艱苦，奈噯唷犁兄喂，
為著顧三餐，大家合力啊，來打拼噯唷喂，
奈噯唷里都犁兄唉，為著顧三餐，大家來打拼，噯唷喂
4.『勸世調』
我來唸歌囉，給恁聽哩，不要撿錢啊免著驚啊誒，勸恁做人擱著打拚，虎死留皮啊人留名啊誒，講到當今囉，的世界哩，鳥為食亡啊人為財啊誒，想真做人擱著海海，死從何去生何來，咿∼∼。
咱來出世囉，無半項哩，空手戽魚啊攏相同啊誒，勸恁做人擱著端正，惡毒害人啊仙不通啊誒，講到人生囉，就要想哩，忠義做人啊有較長啊誒，榮華富貴是不好想，總是命運免憂愁，咿∼∼。
我叫朋友囉，著做好哩，人生做人啊若眠夢啊誒，勸恁做人要有志氣，小小生意啊會賺錢啊誒，講到事業囉，有百百款哩，你若要嫌啊怎艱難啊誒，若我勸人著做好代，打拚的人會發財，咿∼∼。
5.『十二蓮花』
第一 可憐囉蓮花 出生風塵昧快活
淒慘落泊就是我 做牛做馬也得拖
第二 可憐蓮花酸 苦命蓮花心頭酸
後母不為咱打算 想要嫁人也久長
(可憐呀蓮花呀 實在可憐代)
第三 可憐蓮花姐 壞命做工到半暝
頭燒目暈那是病 破病也得去賺錢
第四 可憐蓮花代 好壞人客阮招待
十分招待嫌阮壞 要打要罵又要塞
(可憐呀蓮花呀 實在可憐代)
第五 可憐蓮花種 有人實在無同情
也無外多錢阮用 要打要罵又要種
第六 可憐蓮花城 流落歡場歹名聲
後母愛錢無愛仔 迫到阮呀無路行
(可憐呀蓮花呀實在可憐代)
第七 可憐蓮花紅 阮是可憐歹命人
後母當阮不是人 害阮痛苦一世人
第八 可憐蓮花頭 流落歡場昧出頭
後母顧前無顧後 害阮暝日目屎流
(可憐呀蓮花呀實在可憐代)
第九 可憐蓮花時 做了這行已幾年
可憐家人無相見 阮嘛不知企叨位
第十 可憐蓮花光 歸暝做工到天光
想到有厝唔湯返 終身再也難見光
(可憐呀蓮花呀實在可憐代)
十一 可憐蓮花怨 想到身世真哀怨
後母迫我做這款 越想心內越超煩
十二 蓮花無了時 墮落黑暗難見天
少年賺錢是一時 老來怎樣過日子
(可憐呀蓮花呀實在可憐代)
『思想起』
思想起 祖先鹹心過台灣 不知台灣生做啥款？
思想起 海水絕深反成黑 在海山浮心漂心艱苦
思想起 黑水要過幾層啊 心該定 碰到颱風攪大浪
有的抬頭看天頂 有的啊 心想那神明
思想起 神明保佑祖先來 海底千萬不要作風颱
台灣後來好所在 經過三百年後人人知
思想起 自到台灣來住起 石頭嚇大粒 樹啊嚇大枝
一腳開墾來站起 小粒的 用指頭搬摳 血流復共血滴
。
『丟丟銅』
火車行到伊都，阿末伊都丟，唉唷磅空內。
磅空的水伊都，丟丟銅仔伊都，阿末伊都，丟仔伊都滴落來。
已有 0 位網友鼓勵